Со финансиска поддршка од ЕВН- Македонија, а потпомогнати од општинскиот Црвен крст, ученици од охридските основни училишта, имаа можност да ја проследат детската опера ,,Ивица и Марица,, во Македонската Опера и балет во Скопје .
– Овој настан, кој се реализира на огромно задоволство на учениците, ја покажува општествената одговорност на компанијата кон заедницата, што треба да биде пример за останатите. Едукацијата и подигањето на свеста на децата за културните настани е вистински потег за формирање на здрави личности во државата . Црвен крст Охрид е благодарен на професорите соработници од Основните училишта кои ја помогнаа и реализираа оваа активност , потенцираат од општинскиот Црвен крст.
OhridNews
