Дваесеттина угостителски работници од Охрид се стекнаа со стручни сертификати од областа на винската култура. Тие успешно ја минаа едукацијата што изминатите две седмици во Cuba Libre ја спроведе Петар Величковиќ – сертифициран сомелиер од Центарот за винска едукација. Wine Way.

Станува збор за најголемата винска едукација – „Македонски Вински Угостител“, направена кај нас, која на угостителите ќе им помогне квалитетните вина со кои изобилува Македонија, соодветно да ги нудат и послужуваат,  создавајќи дополнителна вредност во туризмот со која Охрид ќе привлекува повеќе и поквалитетни гости.

Идејата е да се подигне винската култура во угостителството, вели Величковиќ. Тој го посочува примерот на Cuba Libre, угостителски бренд кој 20 години внимателно го гради своето реноме, следејќи ги светските текови и потреби на гостите.

Кога некој човек, или бизнис е успешен, најлесно е да се заклучи дека сето тоа се случило преку ноќ и дека е резултат на комбинација на среќни околности. Но среќата ги прати храбрите, и верувам дека успехот на Cuba Libre и неговите сегашни и идни сестрински локали, цврсто стои на темелите кои ги поставил и продолжува да ги поставува Венко и луѓето на кои избрал да им верува во креирање на 20-годишната Cuba Libre приказна. Иако специјализира во понудата на коктели, Cuba Libre ја разбира потребата за целосна угостителска понуда, а со тоа и неопходноста од винска едукација на својот персонал. – вели Величковиќ.

Низ обуката на „Македонски Вински Угостител“ успешно минаа дури 19 кандидати од Cuba Libre.

Ова се должи на разбирањето на фактот дека она што го прави бизнисот успешен, се неговите вработени. Инвестирајќи во нивниот професионален развој, Cuba Libre инвестира во подобро работење и развивање на сопствениот бизнис. Ваквиот став – треба и мора да биде пример за угостителите од целата држава. Врз вака поставени темели, знам дека Cuba Libre и нејзините сетрински локали ќе се наметнат како еден од центрите за ширење на винската и угостителската култура во Охрид и Македонија. – додава Величковиќ, кој е и основач на Wine Way – Центарот за винска едукација.

Од Cuba Libre изразуваат задоволство од квалитетот на едукацијата што персоналот на овој познат охридски локал ја мина заедно со колеги од регионот, посочувајќи ја важноста од спроведената обука за целокупното угостителство во Охрид.

Нашето случајно познанство со исклучителниот Петар Величковиќ резултираше со еден сосема нов пристап во работата кога е во прашање винската култура, што е од исклучителна важност за иднината на целиот локалниот угостителски сектор. – истакнаа од Cuba Libre.

Македонија има голем потенцијал за развој на винскиот туризам, но тој сам по себе нема да се реализира. Потребно е многу труд и работа. Потребна е соработка помеѓу сите чинители, да ја ставиме на страна суетата и да го исполниме потенцијалот што го има земјата. – беше истакнато на едукативниот вински настан што заврши денеска во Cuba Libre со доделување сертификати на учесниците.

Охридските угостители покажаа винска класа

Г.М.

Фото: Мх.П.