Охридското Езеро и Националниот парк Галичица се дел од понудата на најстарата и реномирана чешка туристичка агенција „Чедок“ и тур-операторот „Алпинетоур“, кои деновиве ја промовираа Македонија како неоткриена дестинација нудејќи атрактивни аранжмани.
Дел од националните медиуми пренесувајќи ја информацијата на МИА пишуваат дека аранжманот за Македонија опфаќа запознавање на македонскиот главен град , престој во шаторски камп под Шар планина, искачување на неколку планински врвови, посета на планински пасишта и селото Луково, како и величествениот планински „ѕид“ Кораб кој ја претставува природната граница меѓу Македонија и Албанија.
Чешкиот оператор на тамошните туристи им нуди да го посетат Охридското „море“, едно од најстарите езера на нашата планета, кое, како што велат, е опкружено со планини со бистра чистина и природа која го одзема здивот и на најголемите светски патници. Во понудата уште се и Националниот парк „Галичица“, планината Баба и врвот Пелистер како и Марковите кули во Прилеп со кампување во манастир во близина на Неготино.
OhridNews
