Охридското Езеро не треба да се дава под концесија за стопански риболов, сметаат граѓаните. Во анктетата што изминатите денови ја спроведе OhridNews, мнозинството читатели – 79 отсто, не ја поддржуваат иницијативата на државата за доделување концесија за стопански риболов на најголемото македонско езеро. Против враќање на стопанскиот риболов се и стручни лица, екологисти и спортско риболовните здруженија.
Според најавите се очекува министерството за земјоделство, шумарство и водостопанство во наредниот период да распише јавни конкурси за давање под концесија на рибниот фонд за стопански и рекреативен риболов на Охридското Езеро, Преспанското Езеро, Дојранското Езеро и вештачкото езеро – акумулација Шпилје.
Концесиите ќе се разгледуваат за секое езеро посебно, но законот не исклучува можност еден ист правен субјект да конкурира за стопанисување со рибниот фонд на сите три природни езера.
OhridNews
