Значително е подобрена хидролошката состојба на Охридското Езеро. По долгиот период на суша и континуиран пад на нивото, Езерото во декември ја поврати кондицијата, благодарение на обилните врнежи на крајот од ноември и во текот на месецот.
Според последните мерења извршени утрово нивото на Охридското Езеро е на 693,33 метри надморска височина, што е еден сантиметар повеќе од просекот за декември и 16 над минималната кота утврдена со Билатералниот договор со Албанија (693,17 м.н.в.), односно 23 сантиметри над природниот минимум (693,10 м.н.в.).
До крајот на денот ќе се задржи значително облачно време со повремени врнежи од дожд, само на повисоките планини од снег, по што следи период на стабилизација на времето, информира Управата за хидрометеоролошки работи.
OhridNews
