По многуте концерти настапи и турнеи годинава, охридското културно уметничко друштво „Македонка“ деновиве гостува во Хрватска, на покана на унгарското фолклорното друштво „Пелмоностор“ од Бели Манастир. Настанот е дел од одбележувањето на деновите на унгарската култура во Хрватска.
Освен македонските претставници, на манифестацијата која е поддржана од хрвстаката влада, учествуваат и фолклорни друштва од Романија и Србија.
Настапот на охридските играорци беше проследен со многу внимание, а членовите на „Македонка“ од сцената беа испратени со бурен аплауз.
На крај од концертот сите учесници заедно го заиграа познатиот Чардаш.
На хрватската турнеја на „Македонка“ и претстои уште еден настап, денеска, на фестивалот на виното во с.Змајевац, каде во овој период од годината се организира традиционален гроздобер.
фото:Емилио
