Македонско знаме десетина дена се вееше на 3D анимацијата на Google earth. Според информациите што ги објави скопската телевизија Канал 5, анимацијата што  ја вознемири грчката јавност, ја поставил хакер од Охрид кој себеси се претставувал како Jogi.
По реакцијата на интернет сајтовите, грчкото Министерството за  надворешни работи побарало од Google да биде тргнато македонското знаме, што било и направено.

Во своето официјално соопштение Google Грција информира дека анимациите на мапите на Google earth ги поставуваат интернет корисниците, а не Google.

Во меѓувреме негодуваат и македонските интернет сајтови кои реагираат на  3D мапата на градот Скопје каде се веат две знамиња на Албанија.

OhridNews