Охриѓанецот Љупчо Јузмески во трката за Најдобар промотор на Македонија

Охриѓанецот, Љупчо Јузмески- туристички водич со над 20- годишно работно искуство од областа на туризмот, е еден од кандидатите за годинешната награда Најдобар промотор на Македонија, за која може да се гласа до крајот на овој месец преку анкета на официјалната веб страница на Фејсбук www.facebook.com/Macedonia.BestPromoterAward.

Годинава, наградата се доделува во три категории- Дипломатија од добра волја, категорија туризам , извоз и претприемништво и категорија уметност и наука.

Наградата за најдобар промотор на Македонија е иницирана од проектот „ Macedonia Loves You“ – , чиј иницијатор е Станислав Пигон. Годинава се доделува по втор пат. 

Наградата за најдобар промотор на Македонија е едноставна замисла да им се оддаде признание на луѓето што Македонија ја носат во своите срца и им пренесуваат на другите да се вљубат во Македонија. Наградата е воведена за да се препознаат постигнувањата на извонредните луѓе од различни професии, од целиот свет, кои имаат една заедничка цел: промоција на Македонија.