Над 150 улични артисти, музичари и театри, се дел од уличниот театар „Баскерфест“ кој годинава за прв пат се одржува во Охрид. Несекојдневните перфоманси, пантомима настапи, претстави, музика во живо, улични танчери, ликовни изложби, посетителите имаа можност да ги проследат вчеравечер на големиот и малиот плоштад и плоштадот кај Чинарот. Уличниот театар продолжува вечерва со почеток во 20 часот.
Уличните фестивали се значајна културна атракција во многу земји. Благодарение на „Баскерфест“ во листата се вклучува и Македонија. „Баскерфест“ е првиот меѓународен и мултикултурен уличен фестивал кај нас, признат како најголем настан од ваков вид во регионот.
OhridNews
