Минималниот пораз на охридските ракометари во Штип од Текстилец 27-26 во првиот натпревар од пролетната полусезона ги чинеше пад од пет места на табелата со што го зазедоа фенерот.
Охриѓани имаат ист број на бодови со претпоследниот Куманово, но поради послабата гол разлика „гладијаторте“ се наоѓаат на последната позиција.
Можност за предавање на фенерот охридските ракометари ќе имаат во 16-та рунда кога на домашен терен го пречекуваат Радовиш.
Резултати : Преспа – Куманово 27-20, Металург јуниор – Пелистер 23-20, Радовиш – Пролет 23-25, Зомимак М – Овче Поле (неодиграно), Текстилец – Охрид 27-26
Табела, 15 коло: Зомимак М 42 бода (-1 меч), Пролет 39, Металург јуниор 25, Пелистер 25, Радовиш 24, Преспа 13, Текстилец 13, Овче Поле 12 (-1), Kуманово 12, Охрид 12.
Мх.П.
