Охридскиот огранок на “Академија Пандев“ ќе земе учество на првиот меѓународен фудбалски фестивал “Војводина -Јома куп 2012“ година, кој од 14 до 17 јуни ќе се одржува на фудбалскиот центар “Вујадин Бошков“.

– На овој фестивал ќе настапиме со две генерации, и тоа фудбалери родени 1999 година и фудбалери родени 2000 година. Иако се организира по прв пат, според информациите кои ги имаме на овој куп во седум различни категории ќе настапат преку 100 екипи од седум земји – вели предводникот на школата Гони Мерко.

За охридската филијала на “Академија Пандев“ која беше формирана неодамна ова е прво вакво искуство. Младите охриѓани ќе ги вкрстат “ракавиците“ со реномирани противници како Паок Солун, Политехника Темишвар, Борац Бања Лука, Дунав Виена, како и локалните школи на Војводина, “Синиша Михајловиќ, Индекс….


Фествалот ќе се одржи под покровителство на УЕФА, ФС Србија, шпанскиот производител на спортска опрема ЈОМА, ФК Војводини како и други помагатели.

Охридската експедиција во вечерните саати тргнува за Нови Сад, натпреварите ќе се играат во три дена, а свечното отварање е закажано за 15 јуни на плоштадот Слобода во Нови Сад.

М.П.