Охриѓани не гледаат позитивно на идејата за изградба на платфотрми за плажи на градскиот кеј. Големо мнозинство од нив не се согласуваат со размислувањата на локалната самоуправа која согласно Деталниот урбанистички план од 2000 година планира изградба на три платформи на кејот со кои ќе стопанисуваат хотелите кои се наоѓаат на овој дел од ривиерата.
На анкетното прашање на Оhridnews: „Дали на градскиот кеј треба да се изградат плажи?“, 2229 читатели, или 72 проценти, одговориле со „Не“, додека за идејата се изјасниле 527 читатели или 17 отсто од анкетираните, 227 читатели или 7 проценти сметат дека при евентуална реализација на идејата треба да се внимава на еколошкиот аспект, додека 4 отсто, односно 114 анкетирани, сметаат дека за идејата треба да се произнесе стручната јавност.
Во анкетата беа вклучени 3097 читатели на Ohridnews.
Ohridnews
