Со свечено дефиле на учесниците, низ старата чаршија и настап на градскиот плоштад и кај стариот Чинар, синоќа во Охрид започнаа 24-те „Староградски средби“.
Свеченото отворање се одржа во Центарот за култура кој е организатор на манифестацијата.
– Фестивалот значи вредносно продолжување на традициите што датираат од пред неколку века и придонес во незаборавот на старите, автетнични песни, навраќање во богатата градска ризница на традициите од минатите векови, вели директорката на Центарот за култура „Григор Прличев“, Драгана Боцеска.
Љубителите на староградската музика имаа можност да го проследат настапот на Хорот при НУ Центар за култура „Григор Прличев”, ансамблот „Билјана”, учесниците од Штип, „Пере Тошев” од Прилеп, НУ Центар за култура „Ацо Шопов” – Штип „Вис орнаменти”, „Распеани гевгеличани” , друштвото „Оскар” – Струга и Владо Костоски, „Октет Прилеп” -НУ Центар за култура Прилеп, „Распеани охриѓани од Охрид и учесниците од државното музичко училиште од Скопје „Илија Николовски Луј“ .
Фестивалот на староградски песни е востановен во 1974 година. Непрекинато се одржувал до 1994 година, а возобновен е во 2008 година.
OhridNews
