Резултатите од анкетата на Ohridnews околу идејата за изградба на платформи за плажи на кејот, недвосмислено покажуваат дека граѓаните знаат што е добро за Охрид , смета Билатералниот секретаријат за заштита на Охридското Езеро.
– Резултатите покажуваат дека охриѓани ,знаат што е вистинското добро за Охрид , знаат кои се вредностите на градот и езерото и дека нема да дозволат узурпација на она што е нивно и бесценето . Охриѓани се идентификуваат со својот град  со езерото , со јавното добро , покажуваат дека се загрижени заради деградацијата од секаков вид но покажуваат и дека знаат да се мобилизираат во интерес на Охрид. Охрабрен сум од аспект на заштитата на градот и езерото што сограѓаните јасно препознаваат кои се штетни идеи а кои добри насоки. И тоа секој носител на власта мора да го почитува, изјави Дејан Пановски од Билатералниот секретаријат за заштита на Охридското Езеро.

На анкетното прашање на Оhridnews: „Дали на градскиот кеј треба да се изградат плажи?“, 2229 читатели, или 72 проценти,  одговориле со „Не“, додека за идејата се изјасниле 527 читатели или 17 отсто од анкетираните, 227 читатели или 7 проценти сметат дека при евентуална реализација на идејата треба да се внимава на еколошкиот аспект, додека 4 отсто, односно 114 анкетирани, сметаат дека за идејата треба да се произнесе стручната јавност.

Во анкетата беа вклучени 3097 читатели на Ohridnews.

Ohridnews