По одличните настапи за репрезентацијата на Македонија до 17 години на развојниот турнир на УЕФА, охриѓанката Симона Крстаноска им се врати на клубските обврски. Таа со екипата на Единство против тимот на Младост ќе се сретат во финалето од Купот на Македоноја .


За пласман во натпреварот за златен медал фудбалерките на Единство предводени од Крстаноска го елиминираа есенскиот првак, Билјанини Извори.

– По елиминацијта на Билјанини Извори апетитите драстично пораснаа. Во финалето ќе се сретниме со тимот на Младост, кој е составен од доста искусни фудбалерки. Добрите резултатите кои ги остваривме сезонава ни даваат голема надеж за освојување на вредниот пехар – рече Крстаноска.


Капитенот на У 17 селекцијата, која триумфираше на турнирот под капата на УЕФА ќе дебитира во финалето од Купот и се надева на прва среќа.

– За мене ова е прво финале и се надевам дека ќе го крунисам со освојување на златен медал. Ние имаме квалитети само ќе треба да ги покажиме на теренот и на крајо ние да бидиме тие што ќе се радуваат на пехарот – заврши Крстаноска.

Финалниот натпревар се игра во Пробиштип со почеток од 17:30 часот.

Мх.П.