Британецот Енди Мареј триумфираше во финалето на тенискиот турнир на Олимписките игри во Лондон. Мареј до златото стигна во голем стил, победувајќи го светскиот рекет број еден Роџер Федерер од Швајцарија со 3:0 по сетови 6:2; 6:1; 6:4.


Ова е прв триумф на голем турнир за Мареј. Задоволството е поголемо, оттаму што тениските натпревари на олимпијадата се играат на терените на Вимблдон, каде тој неодамна беше поразен во финалето токму од Федерер. Но, денеска Швајцарецот немаше никакви шанси против расположениот Мареј, кој одигра беспрекорно точно, недозволувајќи загубен гејм на свој сервис и со брејк ги реши сите сетови.


Британија го слави Енди Мареј

Мареј, кој е 4-ти на АТП листата има можност да влезе во олимписката историја бидејќи само 45 минути по победата над Федерер, ќе игра за уште едно злато во финалето во мешани двојки.

Во малото финале кај мажите, Хуан Делпотро од Аргентина го совлада Србинот Новак Ѓоковиќ со 2:0 и го освои бронзениот медал.

OhridNews