ОК ВМРО ДПМНЕ Охрид во соопштение испратено до медиумите денеска велат дека се одвиваат градежни активности во централното градско подрачје во време на забрана на извршување градежни активности.
Дали Георгиески и Локалната самоуправа знаат дека се одвиваат градежни активности со механизација на улицата ,,Григор Прличев”, веднаш до црквата ,,Свети Кузман и Дамјан”?Активности кои се одвиваат во период кога на сила е забраната за извршување градежни активности во летниот период. Но, како и секогаш досега, ваквите градежни зафати се случуваат за време на викендите и во шпицот на летната сезона.
Од ОК ВМРО-ДПМНЕ Охрид го повикуваат градоначалникот Георгиески и надлежните од власта да излезат на терен и да ја утврдат законитоста на посочените градежни зафати.
OhridNews
