Околу 20 икони за кои се смета дека потекнуваат од македонските цркви се пронејдени во Албанија во рамки на приватна уметничка колекција. Како што јавуваат неколку албански медиуми, експерти за културно наследство од Република Македонија веќе биле заминати во Тирана со цел да направат увид на пронајдените црковни дела.
Според написите во албанските медиуми, Албанското јавно обвинителство на средбата со македонските експерти побарало Македонија да достави соодветна документација за иконите кои се украдени од црквите, со цел да се докаже дали пронајдените икони навистина потекнуваат од Македонија.
Од Националните установи ,,Завод и музеј” од Охрид и Музејот „Д-р Никола Незлобински“ во Струга велат дека суште немаат добиено официјална инфомација за овој случај.
Изминатите неколку години црквите во Дебарско-кичевската епархија често беа мета на крадци, при што неповратно беа изгубени многу дела од македoнската иконографија.
OhridNews
