По речи си една година пауза олимпиецот Реџеп Селман се врати на атлетската патека и беше дел од подготовките на македонската атлетска репрезентација во Охрид.
– Добро е да си назад во репрезентација, очекувам дел од останатие сениори да го следат мојот пример и да направат кам – бек во атлетиката. Финансиски лошо минуваме, но затоа пак пред нас, се отвараат други прилики – вели Селман
За Селман кој како што вели , атлетиката е дел од животот, желбата да го пренесе своетото знаење на помладите била пресудниот момент да и се врати на “кралицата на спортовите”.
– Не очекувам никакви привилегии по моето враќање, на мене останува да тренирам и да се наметнам кај селекторот за место во репрезентацијата.Сметам дека федерацијата треба да посвети поголемо внимание на сениорските репрезентативци – истакна Селман
Селман како дел од македонската репрезентација кон крајот на месецот ќе го има првиот настап на меѓународниот турнир во сала во Софија, Бугарија.
М.П.
