Денес во пресрет на 111 годишнината од раѓањето на големиот македонски писател Ванчо Николески (1912-1980), романсиер, раскажувач и поет во НУ Библиотека „Григор Прличев“ ќе се одржи Омаж посветен на неговиот живот и творечки пат.

Ванчо Николески е роден на 10 јуни 1912 година во с. Црвена Вода, Дебрца, Охридско. По завршувањето на основното училиште во родното место, гимназија учеше во Охрид, а Учителска школа во Скопје. Неколку години учителствуваше во селата низ Македонија (Белчишта, Косел и др.). Тој е еден од првите учители на македонски јазик во селата на ослободена Дебрца за време на бугарската окупација на Македонија во Втората светска војна

Николески припаѓа на првата генерација македонски писатели за деца, генерација што во литературата влезе непосредно по ослободувањето.

Настанот ќе се одржи во Прличлевата одаја на Библиотеката од 12 часот. Покрај поканетите ученици од ООУ „Ванчо Николески“ од село Лескоец, омажот е отворен за сите почитувачи на литературата кои со своето присуство ќе му оддадат почит на Николески, инофрмираат од Библиотеката.

OhridNews