На 49-от Државен натпревар за ученици и студенти по музика што се одржа од 07-09 април во Скопје, учениците од ОМУ „Методи Патче“ освоија специјална награда, 7 први, 4- втори и 3 трети награди во дисциплините солфеж и камерна музика.
Прва специјална награда добија Даниел Мојсоски -виолина и Никола Каневче-гитара во класа на професорите Елица Џуклеска и Александар Крстаноски.
Први награди во категоријата солфеж во класа на професорите Лилјана и Петар Булоски добија учениците Поликсена Тунтева, Ангел Дулески, Катерина Маркоска, Ангел Трајкоски, Емилија Наумоска, Анастасија Андрееска и Изабела Димоска.
Втори награди во дисциплината камерна музика во класа на професорите Мухамед Бајрам, Христина Пецаковска Николеска, Александар Крстаноски и Оливера Петкоска освоија учениците Иван Георгиески и Петар Милески -виолина како и флејтистките Кристина Љушкоска, Анастасија Кипаризоска, Софија Паскали, Изабела Димоска и Тизба Салих и гитаристите Марко Лазороски и Дејан Милески.
Трета награда во класа на професорите Александар Крстаноски, Нина Момировска, Наумче Џуклески и Христина Пецаковска Николеска, за камерна музика освоија учениците: Александар Лолески -флејта, Дејан Милески-гитара,Филип Гаврилоски и Томислав Нестороски-хармоника, Петар Милески-виолина.
