Одговорноста за нападот во Куманово ја презеде „Ослободителната народна армија“ – ОНА, или позната уште како македонска УЧК, јавуваат медиумите на албански јазик, а веста ја пренесуваат и агенциите од регионот. Оваа група преку соопштение испратено до медиумите ја известува јавноста во сите „албански територии“ и меѓународната заедница, дека нивна вооружена формација почнала да дејствува за создавање на Република Илирида.
ОНА бара од властите во Македонија да престанат да користат сила против нивните борци, инаку, ќе бидат присилени, како што велат, да возвратат пропорционално, како и дека се подготвени да војуваат не само со Македонија, туку и со целиот Балкан.
Соопштението било потпишано од извесен командант Хамди Ндрецај Пантер.
Засега нема официјална потврда за автентичноста на Комуникето.
OhridNews
