Вкупно 8.648 невработени од подрачјето на Охридскиот регион се евидентирани во Агенцијата за вработување на Република Македонија, заклучно со месец мај 2012 година. Статистичките показатели говорат дека бројкатa на невработени охриѓани е опадната за 89 лица, во споредба со претходниот месец кога биле евидентирани 8.737 невработени. Бројот на лица кои бараат работа, во мај, бележи пад од 1.408 лица, во споредба со истиот месец лани, кога била евидентирана броја од 10.056 лица кои се запишани како невработени.
Според евиденцијата, во овој момент, во Охрид работа бараат 3 доктори на наука, 30 магистри и 1.048 охриѓани со високо образование. Во евиденцијата на невработени запишани се и 292 невреботени лица со виша школа и 2.053 лица со средна стручна спрема. Најбројни помеѓу невработените се неквалификуваните работници, со вкупна бројка од 2.448 лица како и квалификуваните, кои се запишани под бројка од 2.002 лица.
Регистарот на Агенцијата за вработување, веќе неколку месеци последователно покажува дека повеќе од половина од евидентирните невработени во Охридскиот регион се со навршени 40 години.
OhridNews
