„Навистина веќе не остана простор за здрава политичка дебата со ЛДП од Охрид и нејзиниот претседател Дејан Блажески. Човеков се умислил за голем политичар и аналогно на тоа, континуирано ја труе политичката сцена во Охрид, со бесмислена и јалова политичка активност, која не може да го предизвика интересот подалеку од прагот на неговата маргинализирана политичка партија, се вели во реакцијата на општина Охрид, по повод денешната прес-конференција на ЛДП Охрид во врска со поставувањето на лизгалиштето на градскиот плоштад.
„Иако јавноста во неколку наврати прецизно и во детали беше информирана за сите аспекти од поставуањето на лизгалиштето, Блажески во нему својствен стил и понатака продолжува да гони духови и да бара правда која само тој ја разбира и признава. Овој пат нема ништо повеќе да кажуваме за проектот лизгалиште и му порачуваме на Блажески конечно да се обрати до надлежните институции за еднаш за секогаш да прекине со оваа политиканска игра, која очигледно му служи за самопромоција.“ – велат од општина Охрид.
Оттаму додаваат дека во иднина, лидерот на општинската ЛДП треба подобро да се запознае со законите.
„Општина Охрид му порачува на Блажески во иднина поинтензивно да поработи на познавањето на законите во однос на тоа кој, како и зошто потпишува документи во општинската администрација, за барем малку да имаат оправдание неговите навидум реторички прашања за кои само тој си ги знае одговорите.“ – стои во рекацијата.
OhridNews
