Предлогот на Училишниот одбор за директор на Охридската гимназија, беше вратен од страна на градоначалникот Бакрачески, поради тоа што беше евидентирано дека постапката не се водела согласно Статутот на училиштето и Деловникот за работа на Училишниот одбор, како и поради тоа што до градоначалникот Бакрачески не беше доставен План и Програма за работа на предложениот кандидат, што е основ по кој ќе се вреднува неговиот натамошен ангажман, се наведува во реакцијата на локалната самоуправа во врска со изјавите на портпаролот на ОО на СДСМ, дека со поништувањето на постапката за избор на директор на охридската гимназија се довел во прашање угледот на образовната установа.
– Поништувањето на постапката за избор на директор на гимназијата е направена од страна на државен орган, односно Државниот трудов инспектор кој постапувајќи согласно своите законски овластувања, донесе Решение, со кое се наредува на Училишниот одбор да ја поништи постапката, заради констатирани неправилности во истата и за преземените дејствија се задолжени да го известат инспекторатот, додаваат од општина Охрид.
Оттаму, потенцираат дека градоначалникот при носењето на одлуките се води исклучиво од законите и уставот на РМ и граѓаните на Охрид, кои му го дале мандатот.
OhridNews
Кузески: Градоначалникот го доведе во прашање угледот на охридската гимназија
