Локалната власт по подолго време безрезервно се согласува со ставот на ОК на ВМРО- ДПМНЕ дека е дојдено време да се разобличат лагите и манипулациите, но клучно е прашањето чии лаги и чии манипулации, велат од Локалната самоуправа како одговор на вчерашните обвинувања упатени од страна на општинската ВМРО- ДПМНЕ.
– Во врска со обвинувањата за некакви скандалозни тендери за набавка на информативни екрани со допир ја известуваме јавноста дека тендерот е во тек и ќе биде отворен во понеделник, 13- ти септември . Она што не го кажуваат од ВМРО- ДПМНЕ е дека ваквата набавка е предвидена со програмата на Секторот за ТЛЕР, усогласена со донесувањето на буџетот и предвидена со планот за јавни набавки. Иницијативата постои веќе подолго време, а по сугестија на повеќе странски дипломати, туристички работници и гости и ќе се реализира исклучиво во функција на туризмот и гостите кои доаѓаат во Охрид, велат од Локалната самоуправа.
Безочна лага е дека за набавка на информативните екрани ќе бидат потрошени од 60 до 70. 000 евра, за волја на вистина 5- те екрани чинат многу помалку, додаваат од Локалната.
Ohridnews
