Претседателот на ОК на ВМРО- ДПМНЕ Атанаско Михаилов, наместо на прес конеренција да го обвинува градоначалникот Александар Петрески и Локалната самоуправа, како се трошеле буџетските пари , пред граѓаните да одговори кој стои зад криминалот со затворањето на дел од Општата болница во Охрид.Охриѓани знаат дека реновирањето на старата зграда на Општата болница , одамна требаше да биде завршено, а всушност не е ни почнато. Граѓаните знаат , а тоа неодамна го потврди и Министерот за здравство Никола Тодоров, велејќи дека зад скандалот со болницата можно е да има и криминал и дека ќе го преиспита, а Атанаско Михаилов како прв човек на партијата на власт ВМРО- ДПМНЕ во охрид, упорно молчи и се однесува како ништо да не знае, стои во реакцијата од кабинетот н аградоначалникот која следува по денес одржаната прес- конференција на претседателот на општинската ВМРО- ДПМНЕ, Атанаско Михаилов.
– Со нефункционирањето на највиталните одделенија на Општата болница , очигледно е дека , поради партиски и лични интереси на луѓе од владеачката ВМРО- ДПМНЕ, свесно се уништува охридското јавно здраство. Граѓаните и градоначалникот Петрески прашуваат ,кој ќе ја сноси одговорноста за умирањето на граѓани на пат до скопските клиники и за изгубениот живот на младата родилка, велат од кабинетот на градоначалникот.
Петрески на претседателот на ОК на ВМРО- ДПМНЕ, му порачува дека како градоначалник е одговорна личност избрана од народот и дека секоја година пред Советот на Општина Охрид поднесува отчет каде се потрошени буџетските средства, а извештаите се јавни документи кои им се достапни на граѓаните.
Бегањето од одговорите и постојаното поставување на исти прашања , според градоначалникот Александар Петрески е покажување на паника и нервоза кај Атанаско Михаилов, пред претстојните кадровски измени во ОК на ВМРО- ДПМНЕ и локалните избори, процеси во кои воопшто не се споменувало името на Михаилов.
