Веруваме дека секоја содржина мора да има и соодветна форма, а секоја значајна книга мора да има и убава корица. Исто така убедени сме дека насловот не е случаен, што во нашиов случај се вика ОТЧЕТ, а кој СДСМ го критикува без да го знаат неговото знечење, ниту по форма ниту по содржина затоа што, кога тие беа власт никогаш го немаа во својот вокабулар, се наведува во реакцијата од локалната самоуправа во врска со денес одржаната прес конференција на општинската СДСМ.
– Точно е дека ние “крпиме по некоја дупка“ од безбројните кои ги оставивте во управувањето со општина Охрид, меѓу кои, финансиската е со големина на библиски размери. За среќа ние, за разлика од вас имаме и форма и содржина и програма и рокови во кои ги исполнуваме дадените ветувања пред граѓаните. Отчетот за кој толку многу зборувате, граѓаните го видоа и можеа многу лесно да ја увидат огромната разлика – она што новото општинско раководство на чело со градоначалникот Бакрачески го оствари за девет месеци, вие не можевте да го сработите за 8 години, велат од локалната самоуправа.
Оттаму, додаваат дека во новата календарска година, темпото на работа и остварувањето на планираните проекти, продолжува со несмален интензитет.
– За тоа најдобро говорат: целесно уредениот нов мал плоштад до црквата Св.Никола Болнички; поставување на лизгалиштето на градскиот плоштад ( најфотографирана атракција во Охрид); уредување на 40 јавни површини – мали плоштади, паркови и игралишта – од кои целосно се завршени во Пештани, нас.Рача и Горна влашка маала; партерно и хортикултурно уредување во стариот дел од градот; реконструкција и асфалтирање на патот од Вапила до Сирула; асфалтирање на пристапни улици во Косел, Велгошти и Пештани; поплочување со бекатон плочки во Коњско и Пештани; Изградба на фудбалски игралишта во Лескоец и на СРЦ Билјанини Извори, стои во реакцијата на општина Охрид.
Оттаму ја повикуват ОО на СДСМ , после 3 години, повторно да свикаат прес конференција и да зборуваат за ОТЧЕТ-от и реализираните проекти, доколку имаат доблест за тоа.
OhridNews
