„Во врска со соопштението на ВМРО НП од Охрид, а кое се однесува на воведувањето на две градски автобуски линии, општина Охрид сака да прецизира одредени моменти, кои ВМРО НП, тендециозно ги премолчува. Точно е дека автобуските градски линии беа воведени од претходната локална власт, но исто така непобитен факт дека новата локална власт и градоначалникот Бакрачески, не ги укинаа истите. Имено, токму претходната локална власт, краток период по издавањето на дозволите на АД Галеб Охрид и “Димакс Експрес“ за превоз на патници, од само за неа познати причини ги промениле условите од јавниот тендер со што се зголемени трошоците на превозниците , па тие поради економска неоправданост дозволите за превоз самите ги вратиле во одделението за сообраќај, односно прекинале со одржувањето на линиите за превоз на патници.“ – се наведува во реакцијата на општина Охрид по повод денешното соопштение на ВМРО НП Охрид.
Оттаму велат дека по оваа новонастаната ситуација, градоначалникот Бакрачески и стручните служби, изготвиле нови услови, кои по јавниот повик ќе бидат понудени на заинтересираните фирми и повторно ќе бидат воспоставени двете градски линии за превоз на патници.
„Тое се фактите. Соопштението на ВМРО НП, за некаква нивна иницијатива на која и придаваат историски димензии!?, а при тоа истата е упропастена од кадри на нивниот коалициски партнер – СДСМ, само го покажува нивниот минорен политички капацитет и влијание.“ – стои во реакцијата на општина Охрид.
OhridNews
ВМРО-НП со реакција за новиот линиски превоз
