Програмата за спорт што ја изгласа Советот на Општина Охрид на последната маратонска седница, предвидува 6.867 000 денари кои ќе бидат искористени за равој на спортскиот дух кај младите и заживување на спортот во Охрид.  

Десет спортисти кои ќе бидат дел од проектот „Стипендија за млади таленти- спортист„ ќе добиват по 3.000 денари.

– Ова не е прв пат ваква одлука да донесе охридскиот совет. Изградбата на  мини-игралишта, како и формирањето на ЈП Билјанини Извори се показатели колку охридскиот совет се залага за развој на спортот во градот – вели Јоне Симоновски советник од редовите на Вмро НП.

Спортот во Охрид се наоѓа во сивило  и со вакви награди и стипендии се очекува работите да се помрднат од мртва точка.

–  Младите во Охрид речи си` и да не се занимаваат со спорт. Една од причините е и слабата инфра-структура. Средствата од овај проект ќе бидат наменети за развој на врвен спорт, за спортисти кои постигнале резултати како на локално, државно така и на меѓународните натпреварувања на кои настапиле – завршува Симоновски

Кој од охридските спортисти ќе ги добие стипендиите ќе одлучува комисијата која допрва ќе ја формира Општината. Покрај доделувањето на стипендиите во текот на годинава се очекува и изградба на две трим патеки во основните училишта “Григор Прличев” и “Братство-единство”, додека овие две образовни установи ќе  добијат и игралишта за кошарка.

М.Постоловски