Општина: Се внимава каде се троши секој денар од општинскиот буџет

Општинскиот комитет на ВМРО- ДПМНЕ , со денешното соопштение , продолжува да си игра „ весела математика“ . На крајно неук начин , коментирајќи како се трошеле буџетските пари , а со цел да добијат уште некој популистички поен , ја убедуваат јавноста дека не знаат каде се потрошени парите од граѓаните, реагираат од кабинетот на градоначалник во врска со обвинувањата од општинската ВМРО- ДПМНЕ.

– Аналитичарите на ОК на ВМРО- ДПМНЕ , кои го пишувале соопштението, требало да го погледаат извештајот за реализирањето на буџетот за минатата година , јавен документ објавен на општинската веб- страница. Таму, до  денар  ќе видат каде се трошеле буџетските пари. Нека направат  разлика што е направено во Охрид , а што во општините , каде имаат нивни градоначалници , кои користат и средства од државниот буџет. Градоначалникот Александар Петрески , Советот на општина Охрид и локалната администрација секојдневно внимаваат каде се троши секој денар и се одговорна власт. Граѓаните на Охрид имаат доверба и неа ја потврдија во два изборни циклуси, стои во реакцијата.