Зарем има некој толку политички наивен да наседне на најновата перфидна политичка игра во која ОК на ВМРО- ДПМНЕ и нивната советничка група сакаат да го навлечат Градоначалникот Александар Петрески, незаконски да ја ослободи Владата од плаќање на комунални давачки во износ од 1, 6 милиони евра. Се ставаат во улога на адвокати на владата на Груевски и без трошка одговорност ја убедуваат јавноста дека подобро било со тие пари наместо инфраструктурни и комунални проекти да се изградел објект во сферата на културата, но не кажуваат каков, кога и каде, се наведува во дописот испратен од Локалната самоуправа во врска со обвинувањата од страна на ОК на ВМРО- ДПМНЕ.
– Господо од ВМРО- ДПМНЕ . Ве прашуваме дали со вашиот предлог свесно сакате Охрид да изгуби 1,6 милиони евра и тие пари , по сугестија на вашиот претседател на ОК на ВМРО- ДПМНЕ Атанаско Михаилов, сакате да ги пренасочите за развој на Делчево и околината. За разлика од вас , Градоначалникот Александар Петрески и локалната самоуправа знаат и веќе имаат програма, како и каде да ги вложат 1,6 милиони евра, пари од кои вие сакате да се откажеме и да и ги опростиме на централната власт. Асфалтирањето на дел од улиците во болничкиот комплекс, патот до црквата Св. Никола во Велгошти, во Пештани, се само дел од зафатите кои би се реализирале со парите од комуналиите за проектот Плаошник 2014, велат од Локалната самоуправа.
OhridNews
