Општинскиот комитет на ВМРО- ДПМНЕ на денешна прес- конференција продолжи со неоснованите напади врз градоначалникот Александар Петрески, обвинувајќи го дека работи против интересите на граѓаните. Го потсетуваме председателот на ОК на ВМРО- ДПМНЕ Атанаско Михаилов , дека одлука за поскапување на водата за 20 отсто е донесена во времето кога тие ја имаа локалната власт. Веројатно немале храброст или поради други интереси не ја спровеле и со нивните недомаќински постапки речиси го уништија меѓуопштинското јавно претпријатие „ Проаква“ , се наведува во испратената реакциија од кабинетот на градоначалникот, а во врска со денес одржаната прес конференција на општинската ВМРО- ДПМНЕ.
– Доколку вистински се грижат за интересите на граѓаните , преку нивната партија ВМРО- ДПМНЕ , нивните пратеници, министри, премиерот и другите надлежни институции, нека реагираат на поскапувањата на струјата, парното греење, бензинот и нафтените деривати. Нека реагираат на секојдневните поскапувања на основните прехрамбени и други производи со кои се повеќе го осиромашуваат народот. Господо од ОК на ВМРО- ДПМНЕ од Охрид. Престанете со лицемерие и политиканство , зошто очигледно е дека вашата , владата на ВМРО- ДПМНЕ , а не градоначалникот, работат против интересите на граѓаните кои се на работ на голата егзистенција и човечкото достоинство, стои во испратената реакција од кабинетот на градоначалникот Александар Петрески.
OhridNews
