Во просториите на новиот Центар за посетители, учениците учествуваа во квиз преку кој ги проверија и проширија своите знаења за рисот, мечката и волкот, за нивните основни особини, начин на исхрана, однесување, живеалишта и потребата од нивна заштита. Активностите беа предводени од стручни лица во установата во соработка со наставници од двете училишта и под менторство на искусни експерти за еколошка едукација од Холандија, кои волонтерски и помагаат на Јавната установа, на полето на еколошка едукација.
Слични активности неодамна беа спроведени и на преспанската страна на паркот каде, на 17-ти октомври 2011 година учествуваа ученици од основните училишта “Гоце Делчев” од Ресен и од “Мите Богоевски” од село Царев Двор.
Активностите се во рамки на одбележувањето на 25 октомври, Ден на Национален парк “Галичица”.
