Останува обврската на возачите да се вози со вклучени светла и преку ден. Возачите и понатаму треба да ја почитуваат оваа обврска затоа што беше прифатен амандманот на пратениците Силвана Бонева, Андон Чибишев, Марија Ангелова и Нола Исмајлоска-Старова, со кој се предлага останување на досегашното решение на употербата на светлата во сообраќајот од страна на возачите дење и ноќе.
-Во сообраќај на пат, дење и ноќе, за време на управување со возилото, возачот на возилотозадолжително треба да ги има запалено најмалку соборените светла за осветлување на патот. Обврската, не се однесува за возачите на запрежни возила и велосипедистите кога запрежното возило односно велосипедот го управуваат дење, освен во услови на намалена видливост, се наведува во предлог Законот за безбедност на сообраќајот на патиштата.
Ако возачите не ја почитуваат законската обврска да возат со вклучени светла преку ден ќе бидат казнети со 15 евра. Доколку светлата не бидат вклучени ниту навечер ќе бидат казнети со 35 евра или 15 негативни поени.
OhridNews
извор Телма
