Министерството за внатрешни работи ги расчисти пријавените закани кои преку електронска пошта стигнале на адреса на Телевизија А1 .
По претходно превземени мерки и направени проверки од страна на Одделот за компјутерски криминал, утврдена е интернет адресата и местото од каде што се испраќани пораките. Како автор на пораките е идентификуван И.М.(56) од Охрид, кој воопшто не се обидел да користи лажен идентитет при испраќањето на пораките. Кај И.М. кој живеел сам и е корисник на инвалидска пензија, со судска наредба е извршен претрес, а при претресот не е пронајдено никакво оружје или експлозиви со кои би можел да ги оствари заканите. Со судска наредба е одземен компјутерот, а И.М. е повикан на раговор во СВР Охрид.При извршениот разговор, И.М. не негирал дека ги испратил пораките, појаснувајќи дека тоа го сторил револтиран од ставовите на телевизијата, а без намера да ги реализира.
Од извршените проверки е утврдено дека против И.М. досега воопшто не се поднесувани кривични пријави и дека истиот не и е познат на полицијата.
По целосно комплетирање и документирање на случајот, а во консултација со надлежниот Јавен Обвинител против И.М. ќе биде процесуиран соодветен поднесок.
Извор МВР
