Куче – шарпланинец утрово било отруено во близина на поранешниот полигон за мали спортови. Глетката како што кажуваат очевидци била страотна. Кучето, кое според нив најверојатно било домашен миленик, во големи болки беспомошно лежело на земја, додека покрај него поминувале луѓе.
-На ваков начин да се усмртуваат животни е нецивилизирано и за секоја осуда, реагира охриѓанец кој вознемирено ни ја раскажа случката.
Труење на кучиња во Охрид имаше и во август, кога покрај бездомници, настрадаа и две домашни миленичиња кај Боклисокак.
Охриѓани се револтирани од ваквите случувања и укажуваат дека кучињата скитници треба соодветно да се згрижат во стационар, а за проблемот да се грижи Шинтерска служба која во Охрид никако да се формира.
Намерно или не, случаите на труење на кучиња во градот ги премолчуваат надлежните институции.
OhridNews
