Министерот за земјоделство, Љупчо Димовски потенцира дека Форумот за земјоделска политика повеќе од десет години е еден од најголемите собири од овој вид и е предводник во развојот на политичките дијалози на земјите на Југоисточна Европа и двигател во иновацијата и позитивните промени во земјоделството и руралниот развој.
Според министерот Димовски, Форумот е можност за учесниците на собирот да разменат на искуства, како и можност за унапредување на натамошната соработка.
Пристутните на Форумот за земјоделска политика 2012 ќе се осврнат и на имплементацијата на идната земјоделска политика и политиката за рурален развој на Европската унија и нејзиното влијание врз земјите од Југоисточна Европа.
Меѓу главните теми за кои ќе се говори е земјоделството и руралниот развој, како и предизвиците поврзани со климатските промени и територијалната и регионалната соработка.
Се очекува од форумот да биде издаден завршен документ, „Охридска агенда 2012“, што ќе биде доставен до надлежните европски институции- Европарламентот, директоратите за земјоделство, различни комитети, агенциии, институции што се поврзани со односната тематика, преку кој ќе бидат презентирани позициите на регионот од ЈИЕ кон темите и проблемите што ги обработува Форумот, а се во врска со заедничката аграрна политика.
фото: Ѓоко Наумоски
