Синоќа кај “Билјанини извори“ со огномет и поздравни говори на  ген. спонзор директорот на компанијата АМАК СП, Венко Шапкар, градоначалникот на Охрид, Александар Петрески како и директорот на АМС Драган Ѓурчески беше отворена  41-таМеѓународна Илиндеска едриличарска регата.



– Голема чест но и придобивка е да се биде домаќин на ваква традиционална меѓународна манифестација и домаќин на спортисити ширум европа . Едриличиарите кои  дојдоа да настапат овде во Охрид, сигурен сум дека ке го препознаат нашето гостопримство и со пофални зборви ќе зборуваат за нас. На организаторот му посакувам успешна реализација и организирање на уште многу вакби манифестации. Пријатен престој во Охрид им посакувам на спортистите и во фер плеј борба да победат најдобрите – истакна директорот на АМС Драган Ѓурчевски.

Охридскиот градоначалниик Александар Петрески го потенцираше значењето на регатата од спортски но и од туристички аспект. – Посебен поздрав до едриличарите од Крагуевац, со кои сме збратимени градови. Оваа манифестација значи многу за Охрид, а едрилиците му даваат посебна убавина на Охридското Езеро –  рече Петрески.

Гостите и едриличарите на Илинедска регата во предвечерјето на големиот македонски празник ги поздрави директорот на компанијата Амак СП, кој порача дека и оваа година охриѓани немаат намера да ја предадат “златната маска“ која се доделува за севкупен победник на регатата.

– Во наредните два дена ќе спортуваме и ќе се обидеме да придонесеме за афирмацијата на Охрид и Македонија како на спортски така и на туристички план. Се надевам на добри услови , ние го познаваме езерото и се надвам дека тоа ќе биде нашата најголема предност во трките – заврши Шапкар.
 

Трките започнуваат денеска, а во зависност од временските услови ќе се одржуваат по четири дневно. Севкупниот победник ќе биде прогласен в недела во 17.30 во центарот за едреење.

М.Постоловски