Подрачното одделение на ,,Управата за водење на матични книги” во Охрид, во четврток на 26 декември ќе го реализира проектот „Отворени денови на Управата за водење на матични книги“. Тоа значи дека во временскиот период од 10 часот и 30 минути до 15 часот и 30 минути граѓаните ќе може да се информираат за сите детали околу функционирањето на овој орган, кој работи во состав на Министерството за правда.
Целта на овој проект е граѓаните, непосредно и директно да ги добијат потребните информации и појаснувања околу издавањето на документи од матичната евиденција како и запишувањето на податоците за промените во граѓанската состојба во матичните книги на родени, венчани и умрени лица.
Во рамки на реализацијата на проектот покрај стручен тим од управата, ќе присуствува и Ашим Зеќироски директорот на Управата за водење матични книги.
OhridNews
