На иницијатива на членот на Советот на општина Охрид, Кујтим Усеини и претстваникот на ТЛЕР Илкер Мустафа, а со подршка на општина Охрид и градоначалникот Александар Петрески во периодот од 18 до 24 Април, делегација составена од претставници на Локалната самоуправа и од ОУ,,Братство Единство“ од Охрид претстојуваше во градот Јалова- Турција. Делегацијата од ОУ,,Братство Единство“ ја предводеше директорот г-дин Осман Османи, а ја сочинуваа и членови на Управниот одбор на училиштето, ученици и наставници од трите наставни јазици.
Целта на оваа посета беше збратимување на ОУ,,Братство Единство“ со училиштето „ Бахчелиевлер“ од Јалова и учество во одбележувањето на Денот на детето- 23 Април што масовно и со пригодни манифестации се одбележува во цела Турција.
Училиштето, домаќин за прв пат одрганизираше манифестација од ваков тип, а учествуваа: Македонија, Полска, Романија, Бугарија, Босна и Херцеговина, Казакстан и Киргистан. Притоа беа остварени контакти на високо ниво со претставници од Министерството за образование во Јалова, градоначалникот и други влијателни фактори.
OhridNews
