20 000 туристи од земјите на Бенелукс и 2000 од Австрија се очекува ова лето да допатуваат во Охрид, пренесува „Сител“.
Како што објави овој медиум, првичните податоци покажуваат дека Охрид ќе има ист број на посетители како и минатата година, а бројот на ноќевања треба да расте на ниво на целата држава.
Во последниве години драстично е зголемен бројот на туристи од странство. Сепак од здужението на угостители и туризам велат дека, сеуште не може да се постигне онаа бројка од деведесетите години- кога Македонија ја посетувале до еден милион туристи годишно. Ако се подобри инфрасруктурата очекуваат да порасне и бројот на посетители.
Од ХОТАМ велат дека треба да се намали данокот на храната во рестораните. Со тоа ќе се зголеми обртот на работа и потребата од нови работници. На листата на туристички дестинации Макеоднија се наоѓа на 147 место, извести Сител.
OhridNews
