Панчев : “Финалето ќе биде скромно со голови“

Македонската фудбалска легенда Дарко Панчев, и акутелен стручен коментатор на Македонската телевизија за мечевите од Европскиот шампионат, за дневниниот весник “Нова Македонија“ даде свој стручен став за финалниот меч меѓу Шпанија и Италија.

Финале меѓу Шпанија и Германија ќе беше многу фудбалски поатрактивно за гледање, отколку ова во кое Шпанците ќе играат против Италија. Очекувам утре да гледаме тврд меч, сиромашен со голови, на кој во преден план ќе биде тактичкото надмудрување.

Овие две школи се многу слични по филозофија, слично играат, со многу цврсти одбрани и малку шанси за гол, претпазливо и секогаш тактички добро организирани. Откако на клупата на шпанската селекција дојде Висенте дел Боске, тие играат многу понеатрактивен фудбал отколку со неговиот претходник Луис Арагонес, со кој го освоија Европското првенство во 2008 година. Со Дел Боске, шпанската игра е многу позатворена и посигурна во одбраната, за што говори и самиот факт дека во нокаут-натпревар немаат примено гол уште од 2006 година. Дури и формациската поставеност е доста одбранбено ориентирана, со двајца дефанзивни играчи во средниот ред, Серхио Бускец и Чаби Алонсо.

Италијанците, од друга страна, многу позитивно изненадија на ова европско првенство. Чезаре Прандели се покажа како одличен стратег бидејќи ретко кој италијански селектор се обидел да креира игра, со прецизни додавања и постојани обиди за постигнување гол. Тој имаше навистина мал избор на квалитетни играчи, но од нив успеа да го извлече максимумот. Му даде слобода на еден Антонио Касано и тој врати со одлични игри, а имаше трпение со играч како Марио Балотели, кој му возврати со голови кога е најпотребно.

Ohridnews