Македонскиот напаѓач Горан Пандев дербито од 3 коло од италијанската Серија А помеѓу Лацио и Јувнетус (0-2) го проследи од трибинте на “Олимпико“ во Рим.Пандев кој е отстранет од тимот не беше ниту на клупата за резерви и покрај проблемите на Лацио со напаѓачкиот тандем. Поради повреди мечот го пропуштија Томасо Роки и Мауро Сарате, а Пандев не доби шанса да биде ниту на клупата за резерви.
По одбивањето да го продолжи договорот со тимот од „Олимпико“, од Лацио му најавија на Пандев дека ќе остане на трибините до крајот на сезоната. Пандев на подготовките во Охрид го најави ваквиот расплет на настаните по неговото незаминување од Рим. Тогаш Пандев рече : “За мене Лацио е завршена работа“.
М.П.
