– Изминативе денови ги анилизиравме Ирците, во фаза на одбрана играат 4-4-2 а во фаза на напад брзо се трансформираат во 4-2-4. Со таков начин на игра не очекува голема борба на теренот, ќе треба повеќе да ја чуваме топката во наш посед и сите фудбалери да одговорат максимално на своите задачи. Играчите кои ќе истрчаат на теренот ќе имаат своја тактичка задача, а посебно Пандев кој ќе добие задача каква што досега немал во репрезентативниот дрес. Во средината тие ќе играат со двајца, а ние ќе се спротиставиме со тројца играчи. Нивните напаѓачи Кин и Дојл се враќаат назад и треба да внимателни на нив. Не смееме да дозволиме Ирците да наметнат своја игра, а со малку среќа, која ни фали, на крај може и да се радуваме – изјави на прес конференцијата во Охрид, селекторот на македонската репрезентација Мирсад Јонуз.
Капитенот на “црвено-жолтите“, Горан Пандев е “фит“ за натпреварот со Ирска и ја респектира селекецијата предводена од италијанецот Џовани Трапатони.
– Ирска е квалитетна репрезентација играат цврст фудбал, физички се многу добро подготвени. Ние на овој натпревар нема што да изгубиме ќе одиме да ја играме нашата игра и на крајот да се радуваме на триумфот. За да го совладаме противникот неминовно е да постигниме погодок, со офанзивна тактика и залагање во играта во фаза на нападот можеме да ја оствариме зацртаната цел, затоа што со пораз најверојатно надежите за поголем успех во овие квалификации паѓаат во вода – потенцира Горан Пандев.
Квалитетот на ирската репрезентација одлично го познава и интернационалецот Горан Попов, кој поради клупските обврски во Лига Европа и украинското првенство, подоцна од другите фудбалери и се приклучи на репрезентацијата.
– Негуваат игра на скок, дијагонали, а тоа нас ни одговара затоа што имаме корпулентна одбрана. Тактиката им е препознатлива, ако ние дадеме максимум и одиграме тактички како што треба шансата за успех е голема – истакна Горан Попов.