Капитенот на македонската фудбалска репрезентација, Горан Пандев, при гостувањето на МТВ за време на финалниот меч од европскиот шампионат откри дека негова најголема желба е пласман на големо натпреварување со македонската репрезентација.
– Не очекува една тешка група, во квалификациите во Бразил 2014 година. Селекторот Тошак ја подмладува селекцијата и пријатно сум изненаден од она што можев да го видам на пријателските мечеви кои се одиграа против Португалија и Ангола. Децата покажаа дека имаат квалитет и со вистинска работа би можеле да се надеваме на таков успех. Јас ќе бидам најсреќен доколку Македонија успее да се квалификува на големо натпреварување. Тоа е мојот сон и мојата последна професионална желба – вели Пандев.
Македонскиот капитен ја продолжи верноста кон Наполи, а очекува неговиот тим сезонава да води главен збор во трката за скудетото.
– Останав во Наполи, бидејќи се работи за клуб со големо реноме. Наредна сезона атакуваме на скудетото, со неколкуте засилувањата во летниот преоден рок ќе бидеме доста конкуретни во лигата – заврши Пандев.
М.П.
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com