Градоначалникот на општина Охрид, Александар Петрески ги користи средбите со дипломатите за неосновани поплаки кон централната власт, обвинува коoрдинаторот на советничката група на ВМРО ДПМНЕ, Дејан Пановски. Тој посочува дека при посетата на евроамбасадорот Соренсен на Охрид, деновиве, градоначалникот тенденциозно се претставил како жртва во односите со државните институции.
– За мене е неприфатливо средбите со високите претставници на ЕУ да се користат за неосновани жалби и поплаки од страна претставниците на локалната самоуправа. Недостоинствено е да се паѓа на коленици во желба да се претставите себеси како некаква жртва. Прво тоа не е вистина затоа што најмалку уште толку е виновна самата локална самоуправа , а второ е малодушно и тотално недипломатски. Заради таквата политика на претставување на позиција на наводна жртва , жртва и натаму е за жал се општината . – изјави Пановски.
Тој посочи дека на средбата со евроамбасадорот истакнал дека најитно е потребо да се одржи состанок за подобрување на комуникацијата помеѓу локалната и централната власт во интерес пред се на Охрид како и сеопфатен форум за конечно да се заземе став во кој правец ќе се развива градот.
– Дипломатијата и водењето на градот е вештина да ги донесете луѓето на маса и да го решите проблемот, а не вештина на ронење крокодилски солзи.-вели Пановски.
OhridNews
