Грчкиот премиер Лукас Пападимос испрати одговор на писмото што пред неполн месец до него го испрати македонскиот премиер Никола Груевски, во кој прифаќа средба со неговиот македонски колега во првата половина на март, пренесува „Макфакс“.
Во писмото грчкиот премиер предлага да се сретне со Груевски на маргините на следниот европски совет, кој ќе се случи во првата половина на март.
Понатаму во текстот Пападимос изрази надеж за подобрување на односите меѓу двете земји, а во врска со проблемот со името, нагласува дека позицијата на Грција останува иста, односно прашањето да се решава во Обединетите нации.
Тој очекува претстојната посета на медијаторот Нимиц на регионот да даде придонес во процесот за решавање на прашањето на името.
OhridNews
