14 работодавци се казнети поради непочитување и злоупотреба на скратеното работно време на работниците, изјави денеска Министерот за труд и социјална политика, Спиро Ристовски, на денешната прес-конференцијата за ефектите од преземените активности во врска со детектираните нерегуларности во имплементирањето на законските прописи со коишто се регулираат работните односи.
Како што истакна ресорниот министер, за прекршокот работење подолго од скратеното работно време, односно од полното работно време, поднесени се барања за поведување прекршочна постапка за која е предвидена парична глоба во износ од две до три илјади евра за субјкетите, односно 500 до 1000 евра за одговорното лице во правниот субјект.
„Апелираме до работодавачите да внимаваат на тој дел, бидејќи се работи за морална општествена одговороност, имајќи во предвид дека кршењето на работничките права и злоуптреба на трудот, се кршење на човековите права.“ – истакна министерот Ристовски.
Инаку, до инспекторатот до сега не била доставена ниту една пријава од страна на работниците.
OhridNews
