Во седиштето на Обединетите нации во Женева, Швајцарија, се одржа вториот Форум на градоначалници 2022 година, на кој учествува и градоначалникот на Општина Охрид Кирил Пецаков.
На форумот учествуваат 45 градоначалници, кои разменуваат искуства, знаење и идеи за одржлив развој.
Градоначалникот Пецаков, имал своја презентација на темата „Енергични јавни површини, зелен град и решенија базирани врз природата“. Во своето излагање тој се осврнал на придобивките од користење на природни материјали во реализација на инфраструктурни проекти, како и на концептот „Зелен град“ и намалување на сообраќајот во строгиот центар, соопшти општинската прес служба.
OhridNews
